Italia Eventi 24
LinguaIT
Impestu torra de pibitziri in sa Sardigna tzentrale

A milliones e milliones su pibitziri nd’at prenu torra sas terras de sa Badde mesana de su Tirsu, in ue si nch’est mandighende sos cultivos in sos sartos de Noragùgume, Otzana, Golothene, Oroteddi e Orane. Su problema s’est presentadu fintzas in Scalepranu. Est su chi nde essit a pìgiu dae una prima averiguadura fata dae Coldiretti in contu de sos problemas chi sufrint sas siendas agrìculas sardas pro more custa catàstrofe biològica, chi est proende chentinas de siendas cun massajos meda chi lis benit a mala bògia a antitzipare s’incùngia o a dare totu in deretura a sos animales. Su resurtadu sunt dannos mannos pro sos massajos, chi in pagas dies nche perdent su traballu de meses, cun ispesas mannas pro comporare foràgiu e mangime pro su bestiàmene.

Su pibitziri, sende chi est polìfagu, si nche màndigat totu, faghende dannos fintzas in ortos e giardinos. S’ùnica ispera est in sos predadores naturales, comente a sos pugiones, chi diant pòdere agiudare a ispèrdere custu babballoti.

Su fenòmenu si repitet fatu fatu. Si sunt domandados, fintzas a como pro de badas, interventos pro lu prevènnere comente a su de arare sas terras cruas de cussas zonas.

Custu problema puru est cunsighèntzia de sas mudaduras de su clima chi in totu su mundu ant favorèssidu sa torrada istramba de “impestos bìblicos” in continentes meda ma fintzas s’isparghidura in Itàlia de babballotis furisteris chi ingendrant dannos pro prus de unu milliardu a s’agricultura e cun efetos graes pro s’ambiente, pro su paesàgiu e pro s’economia: bastet a pensare a su pìnnighe asiàticu, a su batèriu de sa Xylella, a sa Popillia japònica, a sa Drosophila suzukii, a su tzinìpide gallìgenu chi at fatu dannu mannu in sas castàngias, a su crugullone ruju de sas parmas.

SardegnaEventi24.it

1700 eventi pubblicati

504 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español