Italia Eventi 24
LinguaIT
Fogu in Monteferru
Si contant sos dannos

Sessanta oras de fogu, 1.000 persones chi ant dèpidu lassare sas domos issoro, iscuadras de istudadores formadas dae mìgias e mìgias òmines impignadas in su fronte de su fogu in Sardigna chi ancoras non s’est firmadu, agiudadu dae su bentu forte chi mudat diretzione fatu fatu e chi at brusiadu prus de 10.000 ètaros intra de sa provìntzia de Aristanis e sa provìntzia de Nùgoro. Coldiretti bogat s’allarme: b’ant a chèrrere annos e annos pro torrare a bìere padentes e magra mediterrànea comente los amus connotos. Est istada un’àtera note de traballu, sena de nos firmare. Sos investigadores sunt traballende pro iscobèrrere su pro ite de totu custu degòlliu. “Paret chi pro como non si potzat escluire idea peruna: s’orìgine podet èssere dolosa o culposa, pro discòidu o imprudèntzia, ma diat pòdere èssere istadu fintzas un’acontèssidu malu a prevìdere”.

Custu mangianu 5 Canadair si sunt torrados a pesare a bolare, mezos chi non si nde pòdere faghere de mancu, pro nche resèssere a lòmpere a logos abrios. Dae sos logos passados in fogu lompent immàgines apocalìticas: animales mortos, domos e siendas brusiadas, residentes e turistas fuende-si, sìmbulos comente a s’ogiastru de Cùglieri chi teniat prus de duamìgia annos brusiados. Immàgines chi ant fertu su coro de totu s’Itàlia e de s’Europa. S’est sarvada, comente regordat Coldiretti Sardigna, Sa Roda Manna, intra de Iscanu, e Santu Lussurzu, un’ètaru de èlighes, golostros artos prus de trinta metros, lianas, matas seculares giai minetzadas dae su fogu de su 1994.

S’Amparu tzivile at fatu mòvere su mecanismu de agiudu europeu, sunt giai arribados duos Canadair dae sa Grètzia e àteros duos ant arribare dae inoghe a pagas oras dae sa Frantza.

Oe sunt comintzadas fintzas sas fainas de bonìfica.

SardegnaEventi24.it

1753 eventi pubblicati

526 notizie pubblicate

0 aziende pubblicate

# Altre Notizie

  • Facebook
  • Instagram
  • Twitter
  • Google+
  • Youtube
  • Feed

TERRA DE PUNT SRL P.IVA 03794090922

Numero REA: 298042 - Iscrizione ROC: n. 32207

SARDEGNAEVENTI24 è una testata giornalistica registrata presso il tribunale di Sassari n. 1/2018

Sede Legale: Via Anglona 7, 09121 Cagliari

Sede Operativa: Viale Trento 15, 09123 Cagliari

X
en Englishfr Françaisde Deutschit Italianopt Portuguêses Español